رسالة الى اخي باللبناني

يا طير العالي روح لعند خيي وحط على بابو
حيّي شبابو والمس ثيابو
قلو يا خيي ليش الهجران وكتير طول بغيابو
قلو يا طير امانة الاهل والاصحاب على غيابو ذابو
ولك اااااااااااخ يا خيّي
على البعد شو آسي
قلو يا طير امانة حملتك اياها
الكل عم يسأل شو صابو
الله يلعن الشيطان قاسي وتارك حبابو
كيف يا خيّي غرقت بعالم النسيان
الله يسامح لي هاجرو وغابو
بحيّيك يا خيّي من بلد النسيان بلد الظلم والقهر وعتابو
ااااااااااااااخ يا خيّي لو فيّي احكيك
ورجعك على بيتك وبوابو
امي من ورا غيبتك تعباني ومن كتر همها عليك وهموم حياتها افراحها ذابو
بتتذكر يا خيّي لما سألتك شو راح تهاجر لوين
وشو في النا ببلاد العذاب
التلي رايح امّن الحياة وارجع شاب اركض بين السّهل وهضابو
اااخ يا خيّي
السهل صار سهول
والورد صار ورود
وبعدنا ناطرينك ادام البيت بين الحقلة وترابو
بتتذكر يا خيّي المشمش واللوز والصمغ كنا نشيلو من كعابو
تتذكر يا خيّي مؤذن الضيعة
وكنت تقلي عطول بيضل بنفس جلبابو
والله يا خيّي بعدو
بتتذكر يا خيّي معلّم الضيعة الشايف حالو بدّو رضاك تنال اعجابو
اااااخ يا خيّي
الذكريات وجعتني والمتني
شو بدي ابعتلك بعد وانت مش سئلان عن حدا
الهم زاد وكتر يا خيّي والحزن داير يفتتّش ع ندّابو
يا رب: يا جبار يا رحمان
احرس وطنا وارحم الانسان
وحرر بلدنا من كل اغرابو او بعتلك اليوم شي طوفان يطهر البحر لي نجسو عبابو
يا خيّي بحلفك بالرحمان شيل همك وارجع على لبنان واحبابو

رسالة الى اخي باللبناني %D9%84%D8%A7%20%D8%AA%D8%AD%D8%B2%D9%86%20%D9%88%D9%84%D8%A7%20%D8%AA%D8%AF%D9%85%D8%B9

الله يرجع كل غايب لدياره ويطمنك على أحبابك