حكايه حب مجنونه......

سلام الشوق ياخل(ن) نزفت الشعر لعيونه ****كتبت القاف في حبه ..ولحنته على شانه

على متن السطور أسرد حكاية حب مجنونة*****حكاية حب ماتنعاد روتها روح عشقانه

بطلها أنت ياخلي .... ياروح الشعر وفنونه**يانبض القلب والوجدان ياسر الحب وعنوانه

تدور أحداثها فيني ...بمسرح عين مفتونه ****جماهيرك جموع الشوق على ملفاك هتانه

عزفت بخطوتك نغمه وهزت روح مطعونه*****سرحت وهامت الافكار وسيل قلبي وديانه

الا من جيت كل الشوق... فيني يعزف لحونه****تغني اللهفه في قلبي.. بليل الحب سهرانه

والا من غبت عن قلبي وكل احلامي ينعونه *****يمنونه بلحظة قرب فيها تورق اغصانه

يروح الهم عن قلبي.. الا من شاف مضنونه***يطيب الجو في قربه وينسى القلب احزانه

حياتي وروحي وقلبي ...لمن أهواه مرهونه****لجل عينه حبيب الروح تبقى لأخر ازمانه

انا ماشفت مثله حد......... لاشكله ولا لونه ***فريدن خلي من نوعه.. مميز بين أعوانه

حبيبي ما احد مثله ......ولا حتى يجو دونه****غلبهم بالحسن خلي.....ونور العقل تيجانه

» حكايه إمرأه عاشقه..